تاني انبشقت لجنة..بداية خاطئة وسيئة

بقلم/ خويلد عبد العظيم توني

اللجنة دي عايزة تحل مشكلة ناس القضارف ولا (مشكلة مكون هاجر من قُرى_القِربة) لولاية القضارف؛ ولا مشكلة أشخاص… طوالي كده عايزين تسيسوها وتوجهو خطها لغرض تلميع أشخاص لن تلمعهم الأقلام..

أعضاء لم يسبق لهم العمل في أي جانب من جوانب المسؤلية؛ ولم يكن لهم أي إسهام أو دور في بناء هذه الولاية بالرغم من توهمهم سيادتها وإمتلاك أطيانها وحواكيرها.. ولأنهم ليس منها يستميتون في تغبيش الحقائق وأدعائهم صناعة تاريخها المعلوم للكافة.. فقط هم بارعون في صناعة الخطاب الجهوي و القبلي بإستمرار؛ حديثهم دوماً(#إستعلائي) ومتكرر يشير للصفوية ونقاء العرق؛ قوم لا يعرف لهم اي دور في مجتمع الولاية غير إستعراض الكثرة والنسب وتمجيد أنفسهم وإلغاء الآخر واستفزاز القبائل؛ و فوق هذا وذاك ليس لهم قبول حتى في أوساط بعضهم البعض تضربهم الخلافات مطلع كل شمس..

نافلة القول والحديث.

المؤسف أن بعض أعضاء اللجنة طيبون ومغيبون عن المشهد الحقيقي وغرض اللجنة..

وكت عاجبكم كترتكم وشايفين روحكم عزيزييين واكتر من باقي الخلق وما قبلانين بي اي زول؛ اتفقو احكمو نفسكم في الأول بعد داك ناس(#الشمال_ونهر_النيل) برجعو لي نخيلهم وزراعتهم..

#الزول ده يمشي بس؛ يمشي بعد كده ما عندو قعاد تاني كان كِتر غناكم فيهو ولا قل.. مااا بتكّل ليكم خلاص وقع تب والفيهو إتعرفت..

غيرو فهمكم عشان الناس تقبلكم.. والله بالعنترية والعنصرية مابتحكمو زول..

#مزيد_من_التصعيد أصلن كان ما وصلت حدها مابتتحل..

خويلد عبدالعظيم توني 🌴🌴