بقلم/صبري محمد علي (العيكورة)
مُديرة مكتب قناة العربية في السودان الأستاذة لينا يعقوب نُقل عنها عبر الموقع الرسمي للقناة الآتي ….
قوات الدعم السريع *خرجت* من منطقة الصالحة والجيش السوداني سيواصل
التقدم نحو كردفان
(إنتهى) !!!
دعونا نقرأ كلمة (خرج) كمعنى وحالة (العريدة) التي حدثت على الواقع هل يستويان
زمان يا (بتنا) لينا عندما درسنا في المرحلة الإبتدائية وأقول هذا الكلام لكوامر آواخر الستينات كان كتاب المُطالعة
وحتى نفهم معنى (د) دخل و (خ) خرج
الحكاية دي (راسمين ليها) (قُطِّية) يدخلها جمل و يخرج منه هذا الجمل
والحكاية يا (بتي) كانت راسية والجمل رايق ونفسو بارد و ما كان فيها غبار و لا جري
بل كانت صورة البعير توحى بانه يمشي الهوينا كما يمشي الوجي الوحل
فهذا المعني الطبيعي لكلمة (خرج)
فكييييف يا أستاذة
كل هذه الهزيمة والعريدة وشلاليف ابراهيم بقال اليابسات من العطش (كُلّوكُلو) تقولي قوات الدعم السريع (خرجت) !
حتى لو إنك قريتي ضمن جيل (أمل وبدر) برضو شتان بين الخروج والهروب !!
وصدق من قال …..
ومن يكُن ذا فم مريرٍ
يذوق به مُر الماء ذا الطعم الزُلالِ
الدعم السريع يا أستاذة شرد و هُزم شر هزيمة في الصالحة وعرّد و هلك منه من هلك
وغنم الجيش
(عِدِّة تفتح النفس)
ده كُلوا ما شفتيهو يا لينا؟
غايتو ما شايف ليك أنسب تعليق من حصرية خالتي
(ست النفر) بت نور الدين
*(أجي ياااااااا لينا)*
